بی ایل اے نے کہا کہ ہم نے خواتین، بچوں اور بلوچ مسافرین کو چھوڑ دیا ہے اور صرف پاکستانی سیکورٹی فورسز کے اہلکاروں کو یرغمال بنای
پاکستان میں بلوچ لبریشن آرمی (بی ایل اے) نے منگل (11 مارچ) کو ایک پیسنجر ٹرین کو ہائی جیک کر لیا ہے۔ بی ایل اے نے دعویٰ کیا ہے کہ اس کے لڑاکوں نے جعفر ایکسپریس پر حملہ کر کے ٹرین پر قبضہ کیا ہے۔ ذارئع سے ملی اطلاعات کے مطابق ٹرین میں 140 فوجی بھی سفر کر رہے تھے۔ ٹرین میں سفر کر رہے تمام عام مسافرین کو چھوڑ دیا گیا ہے جب کہ تمام فوجیوں کو یرغمال بنا لیا گیا ہے۔
پاکستانی اخبار ’دی ڈان‘ نے بلوچستان حکومت کے ترجمان شاہد رندے کے حوالے سے رپورٹ دی ہے کہ ’’کوئٹہ سے پشاور جا رہی جعفر ایکسپریس پر پیہرو کنری اور گدلار کے درمیان زبردست گولی باری کی خبریں ہیں۔ تصادم کے دوران 6 فوجیوں کی موت ہو گئی ہے۔‘‘ حادثے کے بعد پاکستانی حکومت نے علاقے میں ایمرجنسی نافذ کر دی ہے۔ رپورٹ کے مطابق ٹرین میں 9 کوچ تھے جن میں 500 مسافرین سوار تھے۔ اسے مسلح لوگوں نے ٹنل نمبر-8 میں روک لیا۔ حکومت مسافرین سے رابطہ کرنے کی کوشش کر رہی ہے۔ حکومتی ذرائع سے ملی اطلاع کے مطابق جائے وقوع پر افسران کو پہنچنے میں مشکلیں پیش آ رہی ہیں، کیونکہ یہ پتھریلا علاقہ ہے۔ علاوہ ازیں کوئٹہ کے سرکاری اسپتالوں میں ایمرجنسی نافذ کر دی گئی ہے۔ تمام ڈاکٹرز، اسپیشلسٹ، کنسلٹنٹ اور نرسوں کو اسپتال پہنچنے کو کہا گیا ہے۔
ایک بیان میں بی ایل اے نے کہا کہ ہمارے لڑاکوں نے ماشکاف، دھادر اور بولان میں اس آپریشن کی منصوبہ بندی کی ہے۔ ریلوے ٹریک کو اڑا دیا گیا ہے، جس کی وجہ سے جعفر ایکسپریس کو رکنا پڑا۔ اس کے بعد ہمارے لڑاکوں نے اس ٹرین پر قبضہ کر لیا اور مسافرین کو یرغمال بنا لیا ہے۔ یرغمالیوں میں پاکستانی فوج، پولیس، اینٹی ٹیررزم فورس (اے ٹی ایف) اور انٹر سروسز انٹیلی جنس (آئی ایس آئی) کے ایجنٹس شامل ہیں، جو پنجاب جا رہے تھے۔ اگر کسی قسم کی فوجی مداخلت ہوئی تو تمام یرغمالیوں کو مار دیا جائے گا۔
علاوہ ازیں بی ایل اے نے کہا کہ ہم نے خواتین، بچوں اور بلوچ مسافرین کو چھوڑ دیا ہے اور صرف پاکستانی سیکورٹی فورسز کے اہلکاروں کو یرغمال بنایا گیا ہے۔ اس آپریشن کی قیادت بی ایل اے کی فدائن یونٹ اور مجید بریگیڈ کر رہی ہے، جنہیں فتح اسکواڈ، ایس ٹی او ایس اور جراب انٹلی جنس ونگ کی حمایت حاصل ہے۔ ساتھ ہی بی ایل اے نے حکومت کو دھمکی دی ہے کہ اگر ہمارے خلاف کوئی فوجی آپریشن کرنے کی کوشش کی گئی تو ہم تمام یرغمالیوں کا مار دیں گے۔ اس قتل عام کی ذمہ داری پاکستانی فوج کی ہوگی۔
Balochistan Voi – Voice of Impact
Founder of Balochistan Voi – Voice of Impact. I create content highlighting news, human rights, and social issues from Balochistan & Quetta. Passionate about impact journalism and amplifying unheard voice
.jpg)
