اگلے مالی سال 3.5 فیصد کی شرح نمو کا ہدف مشکل لگتا ہے مراد علی شاہ

اگلے مالی سال 3.5 فیصد کی شرح نمو کا ہدف مشکل لگتا ہے،مراد علی شاہ.

مشکل حالات میں بجٹ بنایا گیا، شرح نمو کا ہدف حاصل کرینگے،بجٹ میں پرانی سکیمیں مکمل کرنے پر زور رہے گا،بجٹ کا کل حجم 3 ہزار 56 ارب ہے،وزیراعلیٰ سندھ کی پوسٹ بجٹ پریس کانفرنس

15 جون 2024.         

   BALOCHISTAN VOI NEWS DESK

BALOCHISTAN VOI

                               

کراچی(BALOCHISTAN VOI۔15جون 2024 ) وزیر اعلیٰ سندھ مراد علی شاہ کا کہنا ہے کہ اگلے مالی سال 3.5 فیصد کی شرح نمو کا ہدف مشکل لگتا ہے، مشکل حالات میں بجٹ بنایا گیا، شرح نمو کا ہدف حاصل کرینگے،بجٹ میں پرانی سکیمیں مکمل کرنے پر زور رہے گا، بجٹ کا کل حجم 3 ہزار 56 ارب ہے، یہ بجٹ پچھلے سے 34 فیصد زیادہ ہے۔ ہم اگلے سال میں مزید گروتھ کی طرف جائیں گے۔

سندھ حکومت کا بجٹ ہر سال زیادہ ہوتا ہے۔پوسٹ بجٹ پریس کانفرنس سے خطاب کرتے ہوئے وزیراعلیٰ سندھ نے مزید کہا کہ سندھ بجٹ، تعلیم و صحت ترجیح، تنخواہوں میں 30 فیصد تک، پنشن میں 15 فیصد اضافہ، کم از کم اجرت 37 ہزار مقررکی گئی ہے۔ کرنٹ ریونیو خرچ کا 70 فیصد تنخواہوں میں جاتا ہے۔ اگلے سال سندھ ریونیو بورڈ کا ہدف 350 ارب روپے ہو گا۔

بجٹ میں سیلاب متاثرین کی بحالے کے اقدامات کئے گئے ہیں۔

ہمیں وفاق سے 1900 ارب روپے ملنے کی توقع ہے، کم ازکم 37 ہزار تنخواہ سے مطمئن نہیں ہوں۔ چیئرمین بلاول بھٹو زرداری نے فری بجلی کا کہا تھا۔ ہم نے وہ بھی اس بجٹ میں رکھا ہے، ہم سولر سسٹم نصف کرنے جارہے ہیں۔ سندھ میں فری بجلی دینے کی شروعات کر رہے ہیں۔ صوبے کے ہر شہری کو پینے کا صاف پانی ملے گا۔ معذور افراد کیلئے الگ ہسپتال اور پارک تعمیر ہوگا۔

بجٹ میں پرانی سکیمیں مکمل کرنے پر زور رہے گا، سندھ کابینہ نے فیصلہ کیا ہے نئی سکیم شامل نہیں کریں گے۔انہوں نے پریس کانفرنس کے دوران مزید بتایا کہ نگران دور میں نئی سکیموں کو روک دیا گیا تھا، سیلاب زدگان کی سکیموں کو بند کیا گیا، ہمارا ڈویلپمنٹ کا بجٹ باقی سب صوبوں سے زیادہ ہے۔ہم بڑی آسانی سے پانچ سو ارب روپے کی نئی سکیمیں ڈال سکتے تھے، ہم نہ پہلی بار حکومت کر رہے ہیں نہ آخری بار کرنے جا رہے، ہم لانگ ٹرم منصوبہ بندی کرتے ہیں۔ سندھ کابینہ نے فیصلہ کیا ہے نئی سکیم شامل نہیں کریں گے۔