عمران خان اور پرویز الہٰی کی ملاقات کی ممکنہ اندرونی کہانی سامنے آگئی
چیئرمین پاکستان تحریک انصاف (پی ٹی آئی) عمران خان اور وزیراعلیٰ پنجاب چوہدری پرویز الہٰی کی ملاقات کی ممکنہ اندرونی کہانی سامنے آگئی۔ ذرائع کا کہنا ہے کہ عمران خان نے چوہدری پرویز الہٰی کو آج اپنے خطاب میں ساتھ بیٹھنے کی دعوت دی، وزیراعلیٰ پنجاب نے ان کی دعوت قبول کرلی۔
روزنامہ جنگ کے مطابق چوہدری پرویز الہٰی عمران خان سے ملاقات کے بعد واپس روانہ ہوگئے اور پھر دوبارہ زمان پارک پہنچے۔
خیال رہے کہ چوہدری پرویز الہٰی، مونس الہٰی اور حسین الہٰی کے ہمراہ لاہور کے علاقے زمان پارک میں عمران خان کی رہائش گاہ پہنچے۔ذرائع کے مطابق وزیراعلیٰ پنجاب پرویزالہٰی نے عمران خان سے ملاقات میں پنجاب اسمبلی کی تحلیل پر مشاورت کی
عمران خان کی زیر صدارت پارٹی قیادت کے اجلاس میں شاہ محمود قریشی، فواد چوہدری، وزیراعلیٰ خیبرپختونخوا محمود خان اور پرویز خٹک، شبلی فراز، علی امین گنڈاپور بھی شریک تھے۔پاکستان تحریک انصاف کے چیئرمین عمران خان کی پارٹی رہنماؤں سے اسمبلیوں کی تحلیل کی حتمی تاریخ سے متعلق مشاورت کی۔اجلاس میں جلسے کی تقریر اور سیاسی و معاشی امور پر بھی تبادلہ خیال کیا گیا ہے۔
0 تبصرے