ایسی لڑکیوں کو سزا ضرور ہونی چاہیے، دانیہ کی گرفتاری پر بشریٰ کی گفتگو
Balochistan Voi news desk
مرحوم رکن قومی اسمبلی عامر لیاقت کی اہلیہ دانیہ شاہ کی گرفتاری پر بات کرتے سابق اہلیہ بشریٰ اقبال کا کہنا ہے کہ عامر کا کوئی قصور نہیں تھا ان کے ساتھ بہت زیادتی ہوئی۔
سوشل میڈیا پر وائرل ویڈیو میں بشریٰ اقبال کو دانیہ کی گرفتاری سے متعلق اپنے خیالات کا اظہار کرتے دیکھا جاسکتا ہے، ان کا کہنا تھا کہ اس گرفتاری پر سب کو خوشی ہوئی ہے، سب کو ریلیف ملا ہے کہ دانیہ پکڑی گئی کیونکہ اس کو سزا ہونی چاہیے تھی، ایسی لڑکیوں کو سزا ضرور ہونی چاہیے اور اس کیس کو ایک مثال بننا چاہیے تاکہ سب کو پتا چل جائے کہ پاکستان میں بھی قانون ہے۔
انہوں نے کہا کہ اگر کوئی کسی کی ویڈیو وائرل کرتا ہے تو اس کی پکڑ ہوگی، یہ سوال تو اٹھنا ہی نہیں چاہیے کہ دانیہ نے وہ ویڈیو نہیں بنائی جس طرح کی وہ ویڈیو تھی وہاں تیسرا کوئی ہو ہی نہیں سکتا تھا۔
0 تبصرے