بارکھان واقعہ مغوی خاتون گراں ناز بیٹی اور چار بیٹے بازیاب Balochistan Voi

فروری 23, 2023

بارکھان واقعہ،مغوی خاتون گراں ناز،بیٹی اور چار بیٹے بازیاب
مغویوں کی بازیابی کیلئے 4 ٹیموں پر مشتمل 120 جوانوں نے حصہ لیا

کوئٹہ (

Balochistan Voi

۔ 23 فروری 2023ء) بارکھان واقعہ،مغوی خاتون گراں ناز،بیٹی اور چار بیٹوں کو بازیاب کرا لیا گیا۔ میڈیا

رپورٹس کے مطابق پولیس اور لیویز نے مختلف علاقوں میں خان محمد مری کے اہلخانہ کی بازیابی کیلئے آپریشن

کیا،لیویز حکام کے مطابق خان محمد مری کی اہلیہ اور پانچ بچوں کو بازیاب کرا لیا گیا ہے۔ ذرائع کے حوالے سے

تایا گیا ہے کہ مغوی خاتون گراں ناز،بیٹی اور بیٹوں کو کوہلو سے بازیاب کرایا گیا۔

مغویوں کی بازیابی کیلئے 4 ٹیموں پر مشتمل 120 جوانوں نے حصہ لیا،ملزمان کو چھاپے کی اطلاع پہلے ہی مل گئی

تھی جس کے باعث وہ موقع سے پہلے ہی فرار ہو گئے تھے۔ لیویز ذرائع کے حوالے سے مزید بتایا گیا کہ خان

محمد مری کی بیوی گراں ناز،بیٹی اور ایک بیٹے کو بارکھان بارڈر ایریا سے بازیاب کرایا گیا،دو بیٹے ڈیرہ بگٹی بارکھان

بارڈر ایریا اور ایک بیٹا دکی کے علاقے سے بازیاب کرایا گیا۔

اہل خانہ کے تمام 6 افراد سرکار کی حفاظتی تحویل میں ہیں۔ دوسری جانب رہنما آل پاکستان مری اتحاد ظفر

اللہ مری نے کہا کہ مغوی افراد کو ابھی تک بازیاب نہیں کرایا گیا،اگر مغوی بازیاب ہو گئے ہیں تو ہمارےحوالے

کیے جائیں۔ یاد رہے کہ اس سے پہلے صوبائی وزیربلوچستان عبدالرحمان کھیتران کو گرفتار کیا گیا، صوبائی

وزیرمواصلات عبدالرحمان کھیتران کو 3 افراد کے قتل کے الزام میں گرفتار کیا گیا۔

پولیس نے صوبائی وزیربلوچستان عبدالرحمان کھیتران کو 3 افراد کے قتل کے الزام میں گرفتار کیا گیا جبکہ

بارکھان میں تہرے قتل کے واقعے پر ردعمل دیتے ہوئے صوبائی وزیر عبدالرحمان کھتیران نے کہا تھا کہ

میرخلاف بےبنیاد پروپیگنڈہ کیا جارہا ہے، گزشتہ 10دن سے کوئٹہ میں ہوں، میرے علاقے میں نجی جیل یا

کوٹھریہی ڈھونڈ کر دکھائیں۔ سردارعبدالرحمان کھیتران نے مزید کہا کہ یہ تاثرغلط ہے کہ ہر سردار یا نواب کی

ذاتی جیل ہوتی ہے، میڈیا کو دعوت ہے میرے علاقے میں نجی جیل یا کوٹھری ہی ڈھونڈ کر دکھائیں۔

تبصرے